Pasaporte solidario- día dos bosques e día da auga

 Para conmemorar o día dos bosques e día da auga e como parte do Plan Proxecta Pasaporte Solidario, o alumnado de 1º, 2º e 3º da ESO levaron a cabo dúas actividades en colaboración co Concello de Quiroga.

O alumnado de 1º e 2º ESO limpou o paseo do Río Quiroga de todo o lixo que encontraron. Desta forma fixéronse máis conscientes de manter limpo o seu propio entorno.

Por outra banda, o alumnado de 3º ESO axudou ao servizo de xardíns do Concello de Quiroga a plantar árbores autóctonas e repoñer todas aquelas que estaban dañadas.

Semana da prensa!

O alumnado de 2º da ESO traballou a semana da prensa seleccionando noticias da provincia de Lugo e buscando nelas as partes correspondentes. 

Saída a Ourense para celebrar O Día Internacional da Síndrome de Down

 O venres 28 de marzo, o alumnado de 3º da ESO viaxou a Ourense para visitar a nova sede de Down, na cal a nosa alumna Ledicia lle fixo aos seus amigos/as un magnífico percorrido das instalacións. Conmemorar deste xeito o Día Internacional da Síndrome de Down, foi unha boa experiencia, tanto para o profesorado como para o alumnado. A maiores, visitaron a Tecnópole, levando a cabo actividades de física na Aula Newton.

Xuntanza Literaria- Noela Rivas

 

9 abril - Día do pobo xitano

Tendo en conta que, o vindeiro martes 8 de abril se celebra o Día Internacional do Pobo Xitano e que, o 2025 foi declarado Ano do Pobo Xitano, tivemos unha exposición no centro con datos relacionados co tema sinalado e, o alumnado de 1º e 2º da ESO, levou a cabo actividades buscando referentes e facendo unha xincana. Moitas gracias á Fundación de Secretariado Xitano de Lugo.