14 de mar. de 2024

“A conto de que unha historia das mulleres?”

 Con motivo da conmemoración do 8 de marzo, o alumnado de 1º e 2º da ESO estivo presente nunha conferencia online impartida pola historiadora Ana Cabana, a cal se levou a cabo a través de Afundación. Mediante as súas palabras, explicou a realidade histórica das mulleres, fomentando así unha sociedade máis xusta e igualitaria.








11 de mar. de 2024

8 DE MARZO

 O día 8 de marzo celébrase o Día Internacional da Muller, este día é recoñecido pola ONU como unha xornada para reivindicar os dereitos das mulleres e sensibilizar á sociedade da situación da muller na actualidade.

O alumnado do IES participou nesta xornada realizando murais, así como facendo unha selección de obras nas que a protagonista en a muller.











2 de mar. de 2024

As nosas correspondentes xuvenís, informan.



O proxecta denominado “Correspondentes xuvenís” segue en auxe no IES de Quiroga. Un grupo de alumnas pasou polas distintas aulas para informar das novidades importantes sendo, neste caso, varios campamentos e estancias por toda Galicia. 





LUÍSA VILLATA. DÍA DAS LETRAS GALEGAS 2024

 O Día das Letras Galegas de 2024 estará dedicado a Luísa Villalta. Comeza, pois, un ano no que teremos a oportunidade de profundar na vida e na obra dunha autora comprometida coa súa cidade e a súa terra.

O alumnado do IES de Quiroga percorreu este mércores, 28 de febreiro, o roteiro literario dos espazoa poéticos da autora que ten a cidade da Coruña como protagonista.









VIAXE A CORUÑA.

 O pasado 28 de febreiro os Departamentos de Física e Química e de Tecnoloxía, xunto co Departamento de Lingua Galega, organizaron unha viaxe a Coruña.

Pola mabá visitaron o Centro de Innovación Tecnolóxica en Edificación e Enxeñería Civil da Universidade da Coruña.

Se tedes curiosidade tamén vos por ver o que alí hai, podedes facer unha visita guiada neste enlace: CITEEC . Pódese ver que actualmente ten dez áreas de actividade diferentes relacionadas coa construcción de obra civil (Hidráulica, Mecánica de rocas, Dinámica de estructuras...)

Un dos proxectos que traballa neste ámbito é o Proxecto Saturno, Sistema de Alerta Temperá fronte a inundacións pluviais en contornas urbanas, financiado polo Misnisterio de Ciencia e Innovación, e no que, ademais de levar a cabo novos desenvolvementos técnicos relacionados coas inundacións urbanas, esté a realizarse un importante labor de divulgación e de sensibilización e concienciación pública fronte ao risco de inundación.

Preme no video para ver unha breve presentación.



O noso alumnado puido ver o traballo que se está realizando neste proxecto. Por exemplo, experimentando coas simulacións de acumulación de auga dependendo da elevación do terreo ou vendo como se estuda no tunel de choiva o comportamento de filtrado de auga de diferentes materiais para cubertas vexetais dos edificios.



Comprobando que a investigación é o paso previo para unha gran construcción civil como unha presa.


E mesmo puideron ver os mapas de simulación de inundacións para Quiroga.


Xa pola tarde tocou visita o MUNCYT, Museo Nacional de Ciencia e Tecnoloxía. Para comezar  Obradoiro de Nanociencia con hidroxeles. Un mundo moi novedoso e con moitas aplicacións prácticas, por exemplo en biomedicina.




Despois visita guiada polo Museo, que certamente fíxose curta!! Haberá que volver para poder velo todo.
 

E para rematar un día moi completo, Roteiro Literario de poesía adicado a Luísa Villalta, autora a quen este ano se lle adica o día das Letras Galegas.
Percorreron os lugares máis emblemáticos da cidade da Coruña aos que fai referencia na súa obra.

27 de feb. de 2024

Entrega de premios do entroido!

Hoxe, na biblioteca do IES, fixemos entrega dos vales regalo ó alumnado que obtivo premio no concurso de disfraces. 




26 de feb. de 2024

MAQUETAS CICLO DA AUGA

 Que mellor forma de explicar o ciclo da auga que cunha maqueta!

Este proxecto foi realizado polo alumnado de 1º de ESO, na materia de bioloxía-xeoloxía.

Mostraron moita imaxinación e paciencia para explicar os pasos e os estados da auga.

No corredor do 1º piso podedes ver a exposición do seus traballos, ata finais deste mes de febreiro.


MAQUETAS REALIZADAS POLO ALUMNADO DE 1º DE ESO