GOZA DO VERÁN CUN LIBRO NA MAN

Na Biblioteca xa temos preparadas a nosa "Maleta de Verán". Dentro dela van todas as nosas últimas adquisicións e quedanos algo pesada.
Axúdanos a que vaia máis lixeira, colle os teus libros para este verán.

GOZA DO VERÁN CUN LIBRO!!!!!!!!

Aquí vos deixamos as nosas recomendacións e un resumo das actividades deste trimestre.

BOAS VACACIÓNS!!!!!!

E
FELIZ VERÁN!!!!!!

VISITA AO MUSEO DA BANDA DESEÑADA DE BRUXELAS

Outras das visitas que fixemos na nosa viaxe por Bélxica foi  ao Museo da Banda Deseñada de Bélxica, alí recibiunos Didier, un guía moi agradable e moi ameno, que nos explicou todo o que debemos saber sobre o cómic, os diferentes tipos de bandas deseñadas e as  numerosas técnicas.

Unha visita moi divertida e colorida.

O PARLAMENTO EUROPEO

O alumnado de francés de 3º e 4º de ESO e de 1º de Bacharelato realizou unha viaxe cultural a Bélxica no mes de maio.
 Aproveitaron esta viaxe para visitar a sede do Parlamento Europeo en Bruxelas. Por iso no corredor principal do centro, o Equipo da  Biblioteca en colaboración cos departamentos de Economía e de Francés presentan unha exposición de carácter didáctico sobre a  Unión Europea, a súa historia, as súas institucións, os seus símbolos. A exposición ofrece ademais explicacións claras sobre o seu nacemento e funcionamento e presenta diferentes materiais  e documentos que a fan moi atractiva.

COMO ESCRIBIR UN LIBRO, COMO ESCRIBIR "PALABRA DE BRUXA"

O pasado 15 de maio tivemos o pracer de recibir na nosa biblioteca de Andrea Barreira Freije, para falarnos da súa obra Palabra de bruxa.
Andrea explicoulles ao alumnado de 1º e 2º de ESO  os recunchos da súa novela ao tempo que lles falaba de como se escribe un libro

O alumndo do club de lectura estivo conversando e entrevistando a Andrea.

Aí tedes o vídeo do resumo da actividade:

PALABRA DE BRUXA. ANDREA BARREIRA

Finalmente, Andrea asinou algúns exemplares da biblioteca, do noso alumnado e do profesorado

O RECUNCHO DAS DONAS DO DEPORTE, DAS ARTES, DAS LETRAS E DAS CIENCIAS

Desde o inicio do curso o alumnado do Club de lectura, o Equipo de voluntariado e o Equipo da biblioteca, en colaboración co Proxecta "Donas de si",  realizou unha selección semanal de noticias de prensa nas que a figura principal fose a muller nos diferentes campos do saber.

Estes artigos están recollidos e expostos nun recuncho no corredor do primeiro andar do centro, ao lado da entrada da biblioteca.

Resumo da actividade:

O RECUNCHO DAS DONAS

ESPERAMOS ... seguir o vindeiro ano con esta actividade, que  nos resultou tan atractiva.

DESEXAMOS ... que a figura da muller sexa protagonista de novas en positivo.

DÍA DAS LETRAS GALEGAS 2019

Comezamos a celebración do Día das Letras Galegas, coa colocación dos carteis enviados pola Xunta.  Aí tedes o enlace par ver o  traballo realizado polo CLUB DE LECTURA "LIBROMANÍA".

DÍA DAS LETRAS GALEGAS

Co gallo da celebración do Día das Letras Galegas fixemos unha exposición coas obras dos autores e autoras homenaxeados neste día, dende 1963 ata a actualidade.

Unha exposición de libros do autor homenaxeado, Antón Fraguas Fraguas

Biblioquiroga convoca un concurso para elexir a mascota ou o logo da nosa Biblioteca.

Reparto entre o alumnado e o profesorado dos libros doados pola Deputación Provincial de Lugo. Grazas a eles fixemos varias actividades:

• O alumnado de 4º de ESO francés intentou traducir os títulos de varias obras de Antón Fraguas,  facendo unha pequena exposición con eles.

• O alumnado de 1º da ESO preparou unha pequena representación teatral, aproveitando o material doado pola Deputación de Lugo. Aí tedes o enlace:

BIOGRAFÍA DRAMATIZADA DE ANTÓN FRAGUAS

 

OBRADOIRO DE MARCAPÁXINAS

 

23 de abril "Día Mundial do Libro"

Biblioquiroga realizou este martes diversas actividades para conmemorar o Día Mundial do Libro. Unha  foi a lectura do “Quixote” en varios idiomas: galego, castelán, portugués, francés, inglés, chinés, alemán, ruso, italiano e latín. Agradecemos a colaboración do alumnado e do profesorado que participou nesta lectura, xa que sen a súa participación esta actividade non podería realizarse.

No seguinte enlace tedes o vídeo da lectura do "Quixote"

LECTURA DO "QUIXOTE" EN DIFERENTES LINGUAS

Por outra banda, na entrada do centro fíxose un mural no que se explicaba a orixe desta conmemoración e expoñíanse diferentes poemas, frases, citas de varios autores e autoras, invitando á comunidade educativa a completar este mural con outras citas, poesía, marcapaxinas ...

Outras das actividades realizadas no Mes do Libro foi a asistencia, da maior parte do alumnado do centro, a unha representación teatral "Luces de Bohemia" de Ramón del Valle-Inclán,  na cidade de Ourense.