O alumnado da ESO do IES de Quiroga participou no obradoiro "Menores, nin unha pinga", unha iniciativa promovida pola Xunta de Galicia en colaboración coa Fundación Alcol e Sociedade, que ten como principal finalidade previr o consumo de alcol entre os menores de idade.
A actividade enmárcase dentro dun programa educativo que busca concienciar a mocidade sobre os riscos asociados ao consumo de bebidas alcohólicas e promover hábitos de vida saudables. Os seus tres obxectivos fundamentais son:
- Reducir o número de adolescentes que consumen alcol.
- Atrasar a idade de inicio no consumo.
- Minimizar a inxesta entre aqueles mozos e mozas que xa teñen contacto con estas bebidas.
A través desta iniciativa preténdese sensibilizar á comunidade educativa e facilitar materiais e recursos que permitan comprender mellor as circunstancias e consecuencias asociadas ao consumo de alcol na adolescencia. A prevención e a educación constitúen, neste sentido, ferramentas clave para reducir estas condutas entre os menores.
Ningún comentario:
Publicar un comentario