DÍA DAS BIBLIOTECAS: Estrelas Galegas da Ciencia

 O venres 23 de outubro o IES de Quiroga celebrou o Día das Bibliotecas cunha actividade de animación á lectura organizada pola Biblioteca Pública de Quiroga.

 Baixo o título "Estrelas galegas  da ciencia", o alumnado realizou unha viaxe pola historia de grandes científicos e científicas  galegas que deixaron a súa pegada ao longo do tempo. Da man do divulgador científico,  Manuel Vicente García, o noso alumnado descubriu as aventuras, os achados e as peripecias destas figuras destacadas da ciencia galega.

Esta actividade, vinculada o Día das Bibliotecas, puxo de manifesto o papel das bibliotecas como espazos de encontro coa lectura, capaces de espertar a curiosidade, fomentar o pensamento científico e achegar a ciencia os rapaces e as rapazas dun xeito ameno.

O alumnado de 1º e 2º da ESO relata terroríficamente!

 Relatos terroríficos en 1º e 2º da ESO

O magosto do IES!

O vindeiro venres 6 de novembro, celebraremos o magosto no IES. Degustaremos castañas e bolos preñados. San Martiño Quirogués!

DÍA DAS ESCRITORAS

 

Este ano celébrase o XI Día das Escritoras, unha iniciativa organizada pola Biblioteca Nacional de España, a Federación Española de Mulleres Directivas e Executivas Profesionais e Empresarias (FEDEPE) e  a Asociación Clásicas e Modernas, asociación para a igualdade de mulleres e homes na Cultura.

Este ano o obxectivo é celebrar o centenario do Lyceum Club Femenino, insitutción que serviu de soporte para a participación das mulleres na vida intelectual, artítica e pública.

Para conmemorar este día, o noso alumnado achegouse a nosa literatura a través da lectura de textos de destacadas escritoras galegas, para así, dar visibilidade ás voces femininas, que contribuíron a enriquecer o noso patrimonio literario.

Sara, Diana, Antía e Xiana leron a letra da canción de Tanxugueiras e Fillas de Casandra, Quen é a que canta?

Aitana recitou un poema de Tamara Andrés, da súa obra "Irmá paxaro"

Uxía, leu o poema " Voz das amigas",  de Yolanda Castaño

Ainoa, leu un fragmento da obra "As malas mulleres", de Marilar Aleixandre

Isabella, Susana, Carmen Paula e Uxía  achegáronnos a obra de Carmen Varela, "As desterradas".

Susana e Isabella leron un fragmento da obra de Marica Campo, "Memoria para Xoana".

Obra de Ana Moreiras, "Madialeva", lida por Xiana e Antía

Xiana le un fragmento de "Velloucas e Minchas", de Lorena Conde.

Sara e Diana len un fragmento da obra de teatro "As alumnas", de Paula Carballeira

Obxectos terroríficos para un Samaín divertido!

Exposición e concurso de obxectos malditos! 

AINARA FERREIRO REY 3º ESO

SERGIO RODRÍGUEZ GONZÁLEZ (PROFESOR)

XURXO PÉREZ LÓPEZ  2º ESO

Introdución ao ensino en liña!

O alumnado de 1º da ESO recibiu formación para introducirse no ensino en liña! Cada un/a dispón da súa aula virtual para unha maior organización do traballo. 

"A hora dourada"

O alumnado de 1º de Bach recibiu durante dúas sesións unha formación relacionada co eido da educación vial. A actividade consistiu nun escape room, na cal cada alumno/a asumiu as funcións que lle foron encomendadas. Garda civil, bombeiros, persoal sanitario...entre todos/as, formaron un bo equipo de axuda e rescate!