Vindeiras reunións do Club de lectura!

 

Plan Proxecta- Correspondentes xuvenís 1ª REUNIÓN

 

O venres 17 o alumnado e profesorado participante do Plan Proxecta Correspondentes xuvenís reuníronse para repartir tarefas e organizarse co traballo que teñen por diante. Un grupo encargarase da actualización das redes sociais, outro da búsqueda e selección da información interesante e un último grupo da actualización do taboleiro e difusión da información entre os/as compañeiros/as.

Plan Proxecta: Pasaporte solidario- Recollida de cápsulas de café

 

Continuamos co Plan Proxecta: Pasaporte Solidario. 

Recollida de cápsulas de café de todas as marcas para levalas a un punto de recollida e darlles unha segunda vida: o café residual servirá para facer abono e o plástico será reutilizado!

Calquera pode participar, animádevos a axudar, moita xente vos necesita

Plan Proxecta: Pasaporte Solidario - Banco de alimentos

 

Este curso estreamos un novo Plan Proxecta: Pasaporte Solidario. 

En que consiste? En levar a cabo unha serie de actividadas enfocadas a tratar de facer este mundo un chisco mellor e de aportar cada un de nós o noso gran de area.

Comezamos forte coa campaña solidaria: Recollida de alimentos para familias desfavorecidas da provincia de Lugo. Colaboramos co Banco de alimentos de Lugo. 

Calquera pode participar, animádevos a axudar, moita xente vos necesita

25 N- Día contra a violencia de xénero

 Crea a túa chapa pola eliminación da violencia de xénero!

Durante toda a semana entre o 20 e o 24 de decembro acudide á biblioteca durante os recreos, fai o teu deseño (debuxo, frase, palabra…) e fai a túa chapa!

PRESENTACIÓN DA BIBLIOTECA. FORMACIÓN DE USUARIOS E USUARIAS DA BIBLIOTECA.

 O alumnado de 1º de ESO foi recibido na biblioteca polos voluntarios e voluntarias para explicarlles o funcionamento, a organización e a distribución da biblioteca. 

O voluntariado realizou unha xincana para enseñarlles como buscar un libro na biblioteca.

OBRADOIRO DE RADIO PARA O PROFESORADO

 Durante os recreos, o profesor Roberto de Andrés realiza un obradoiro para o profesorado interesado en recibir a formación necesaria para o manexo da radio escolar.

Aprenderon como gravar, editar, regulación do son...

Magosto no IES de Quiroga

 

Este venres celebramos o Magosto no IES coas típicas castañas e cuns deliciosos bolos preñados, e todo isto amenizado con boa música.

1ª REUNIÓN CLUB DE LECTURA

  

Hoxe reuniuse por primeira vez a totalidade do Club de Lectura 2023 cun éxito rotundo. Alumnado de 1º, 2º, 3º e 4º da ESO elexiron os libros que leremos neste primeiro trimestre.

Finalmente, os libros seleccionados que leremos e nos que afondaremos este curso serán:

~ Subnormal, unha historia de acoso escolar (Fernando Llor e Miguel Porto)

~  O misterio do torque de Burela (Antía Yáñez)

~ La chica invisible (Blue Jeans)

~ Pecados veniais (Nazaret López)

~ Heartstopper, dos chicos juntos (Alice Oseman)

~ A dos metros de ti (Rachael Lippincott)

Ademáis este curso como novidade estreamos o Club de lectura Manga!

Comezaremos lendo Ataque dos titáns!

Samaín

Biblioquiroga convoca un novo concurso

Aquí tedes algunhas das cabazas que participaron no concurso. Son terroríficas!

Ademáis polo Samaín alumnado e profesorado acudiron disfrazados ao IES!

E xa por último o voluntariado da biblioteca e o profesorado fixeron unha exposición de libros e bandas diseñadas de terror. Cal vos animades a ler?

Este é o mural realizado polo alumnado de 1º de ESO en Educación Plástica e Visual

"Sorpresa terrorífica de Samaín en 2ºA"

O alumnado de 2º de ESO A sorprendeunos cun decorado de aula ambientado no Samaín co que arrepiaron e sorprenderon aos seus profesores.

DÍA DAS BIBLIOTECAS

 O día 24 de outubro celébrase o Día das Bibliotecas, o lemas deste ano "Tecendo comunidades", para destacar o papel das bibliotecas na construción de lazos dentro das nosas comunidades.

O alumnado voluntario fixo unha selección de libros na que a súa temática fose as bibliotecas, os libros, para facer unha fermosa exposición.

O alumnado de 1º e 2º de ESO acudiu nesta xornada á Biblioteca para traballar coa obra de Manuel Núñez Singala, Atranco no banco, facendo unha nova portada, creando outro final para esta obra de teatro.

Encontros Literarios - Manuel Núñez Singala

Este curso a Biblioteca do IES de Quiroga xunto co Club de Lectura participan no Proxecto "Encontros Literarios".

A Dirección Xeral do Libro, do Cómic e da Lectura pon en marcha a segunda parte do programa de actividades literarias en institutos e centros de Ensinanza Secundaria Obrigatoria para o 2023. Estos programas proporcionaron excelentes resultados ata o de agora. Non só contribúen a mellorar o coñecemento da nosa literatura, senón que supoñen unha oportunidade única para achegar a autores de recoñecida traxectoria aos centros de ensinanza.

Acudirá ao IES de Quiroga o vindeiro 30 de outubro Manuel Núñez Singala, que gañou o premio Clubs de Lectura 2023 por ser o escritor galego máis leído nas bibliotecas escolares durante o curso pasado. Autor da obra de teatro "Atranco no banco", que xa o pasado curso no Club de Lectura do IES de Quiroga foi unha das obras lidas no último trimestre.

O alumnado de 1º e 2º ESO preparou a esperada visita de Núñez Singala realizando unha serie de actividades que xiraron o redor do libro "Atranco no Banco", un libro de comedia de xénero: teatro.

• Lectura individual do libro en coordinación co Club de Lectura do IES de Quiroga.
• Lectura grupal de fragmentos do libro onde o alumnado leu e representou diferentes actos da obra e analizaron, entre todos e todas: que temas trata, cal é a estrutura do libro, diferencias entre unha obra de teatro e unha novela, que estereotipos aparecen en cada personaxe e analizaron a personalidade de cada un deles.

• Deseño dunha nova portada: formáronse varios grupos de deseño onde rediseñaron unha nova portada do libro dende distintos estilos como o manga ou a animación.

• Final alternativo: o alumnado formou varios grupos de guionistas onde tiveron que reescribir e representar un final alternativo para o libro que compartiron co resto da clase.
• Unha nova historia: Entre os 3 grupos reescribiron unha nova historia partindo do título do libro “Atranco no banco”. Desta forma, o alumnado de 1º ESO escribiu a introdución desta nova historia, 2º ESO A escribiu o nó e 2º ESO B a conclusión e final da historia.
•  Entrevista na Radio “Onda Brava” do IES de Quiroga. Dúas alumnas foron as encargadas de escribir e realizar unha entrevista na Radio do instituto a Manuel Núñez Singala onde lle preguntaron pola súa vida de escritor, recomendacións de libros así como por temas nos que el profundiza nos seus libros como o uso do galego ou o seu traballo na Universidade de Santiago de Compostela.

Entrevista Manuel Núñez Singala

• Charla Manuel Núñez Singala co alumnado de 1º e 2º da ESO. Onde falamos da importancia de coidar a nosa lingua, a sorte que temos os galegos de ter dous idiomas de xeito natural e de claves para ser escritor!