O vindeiro venres 3 de febreiro o club de lectura para adultos do IES de Quiroga reunirase para comentar o libro que leron "Esperando al Diluvio" da autora Dolores Redondo.
31 de xan. de 2023
Reunión Club de Lectura Adultos e presentación da seguinte actividade
Ademais, a coordinadora Aldara presentará oseguinte libro proposto para o club de lectura "Non penses nun elefante rosa" así como a actividade na que se participará: a I Velada Literaria organizada pola Libraría Agrasar en Monforte de Lemos. Onde a autora Antía Yáñez presentará e falará sobre dito libro e aproveitaremos para que nos asine algún exemplar para a biblioteca do IES de Quiroga.
Reto literario Biblioquiroga- Xaneiro
Finaliza xaneiro e con el, o primeiro reto literario que propón Biblioquiroga: unha novela histórica con protagonista feminina. O Club de lectura participou neste reto e a súa elección estivo clara: A bibliotecaria de Auschwitz. Esta novela relata a historia dunha rapaza apasionada polos libros que debido a súa orixe xudía termina no campo de concentración de Auschwitz onde, unha vez máis, os libros non serán simplemente un pasatempo senón un símbolo de rebeldía contra o réxime nazi. Ademais conta coa súa versión en cómic.
Ambos dispoñibles na biblioteca do IES de Quiroga.
Para coñecer as actividades que se traballaron dende o Club de Lectura ao redor deste libro, visite Club de Lectura IES Quiroga
Visita o CEIP da Pobra do Brollón
O pasado mércores (24/01/23) tres profesores do IES de Quiroga, Fabio, Roberto e Marcelo visitaron o CEIP da Pobra do Brollón para ver "en vivo" o funcionamento da "Radio na Biblio". Dori, a directora do colexio, explicou tanto os aspectos técnicos como a dinámica de traballo e deixou constancia do gran interese que esta actividade esperta entre o alumnado. De feito, estase convertendo nun complemento perfecto a todo tipo de actividades cotiás:
- faise un traballo de ciencias... grávase na radio
- lese un libro en galego... faise un resumo para gravalo na radio
- estúdase algo concreto de historia... búscase unha persoa experta para entrevistala na radio
En resumo, poderíase dicir que a "Radio na Biblio" é un paso máis para afianzar a Biblioteca como punto de dinamización dos centros escolares. Por este motivo, en breve... porase en marcha no IES de Quiroga!
30 de xan. de 2023
27 de xan. de 2023
Entroido
O 17 de febreiro celebramos o desfile e concurso de entroido literario no que participou todo o IES de Quiroga, tanto alumnado como profesorado e perosoal non docente. Tal e como as bases explicaban, debían imitar a personaxes dalgún libro, película ou serie.
Contamos como xurado con: Germán representando al alumnado, Brais representando ao profesorado e Conchi representando ao persoal non docente.
Os premios foron:
Premio ao disfraz máis divertido: os profes Rosi, Roberto e o noso conserxe Jose.
Premio ao disfraz máis orixinal: 1º de Bach coa xungla
Premio ao mellor disfraz: 3º da ESO con Shrek.
23 de xan. de 2023
21 de xan. de 2023
Concurso de poesía. Día da Candeloria: o día no que casan os paxariños.
O dous de febreiro celébrase o día da Candeloria é o tempo no que casan os paxariños, festa do amor. Este día tamén é considerado como preludio da chegada da primavera de o renacer da natureza. Esta data está presente na nosa literatura e no noso refraneiro
"A Candeloria"
Na catedral do abrente
hoxe casan os paxaros,
con nubes de neve e ouro
está o ceo galanado.
Luis Amado Carballo, Proel (1924)
Tamén son moitos os refráns que fan alusión a esta celebración:
"Pola Candeloria casan os paxariños e vaise a galiñola."
"A partir da Candeloria, ningunha ave voa soa."
"Cando a Candeloria chora, medio inverno vai fóra; que chore, que deixe de chorar a mitade do inverno está porpasar."
Vamos celebrar este día cun concurso de poesía.
DÍA DA PAZ
Todo o centro vai colaborar na conmemoración do día da Paz facendo en origami pombas da Paz, que decoraremos coa bandeira dun país en conflicto e unha mensaxe de paz. Todas as pombas colgaran nos corredores do centro.
As pombas irán acompañadas dunha selección de poemas de PAZ de autores e autoras recoñecidas.
Doutra banda o voluntariado da biblioteca realizou unha exposición de libros con esta temática "A Paz"-
19 de xan. de 2023
15 de xan. de 2023
Subscribirse a:
Publicacións (Atom)