Samaín 2024

 Quimedo no IES de Quiroga

O alumnado de  1º Bach xunto co equipo de biblioteca, profesorado das materias lingüísticas e o coordinador da radio organizaron o seu particular Quimedo!

Cada grupo da ESO tivo que pasar por cada unha das 4 salas para resolver diferentes enigmas: resolver un asasinato en francés, atopar pistas en inglés, coñecer aos monstros galegos e recoñecer as grandes obras literarias de terror. Todo isto cun tempo limitado e sento asustados polos seus compañeiros/as.

Éxito absoluto!

Decoración da biblioteca, salón de actos, aula de audiovisuais e ximnasio por parte das voluntarias da biblioteca.

Exposición libros de terror por parte das voluntarias da biblioteca

Concurso de cabazas con refrán

O concurso de cabazas poetas decorou a entrada do IES durante este Samaín. O xurado está moi ocupado deliberando e escollendo a máis orixinal, a máis simpática e a máis terrorífica! 

Para as actividades do samaín, o alumnado voluntario gravou as historias de medo na radio:

Celebramos o Día das Bibliotecas coa Fundación Legar!

O mércores 23 de outubro, alumnado e profesorado do IES de Quiroga, asistimos á casa da cultura para escoitar a Xabier Blanco da Fundación Legar na actividade denominada “literatura afinada”. Interpretou obras musicadas con instrumentos feitos por el mesmo, tales como poemas de Rosalía de Castro, Ánxel Fole, Xosé Neira Vilas ou Ernesto Guerra Da Cal entre outros/as. 

Moitas grazas por convidarnos! 

INTRODUCIÓN AO ENSINO EN LIÑA

 O noso xefe de estudos e administrador da aula virtual, Marcelo, dedicou unha sesión para explicarlle ao alumnado de 1º ESO o funcionamento da aula virtual que utilizarán ao longo da súa escolaridade no IES de Quiroga. Xuntos, resolveron dúbidas sobre como entrar na mesma, como subir un arquivo, realizar ou entregar unha tarefa...

SEMANA DAS BIBLIOTECAS - 24 outubro.

 

Presentación da biblioteca ao novo alumnado por parte das voluntarias e dos voluntarios. Formación de usuarios e usuarias da biblioteca

As voluntarias da biblioteca do IES de Quiroga prepararon unha actividade moi interesante para o alumnado de 1º ESO que chegou novo ao instituto para coñecer o funcionamento da biblio.

Primeiro, explicaron as normas básicas e o funcionamento xeral da biblioteca: préstamos e devolucións dos libros, onde atopar os xogos de mesa e como utilizalos, a quen pedir axuda…

Despois, o alumnado dividiuse en diferentes grupos e cada un deles tivo que escoller un dos sobres dispoñibles de cada categoría nos que se clasifican os libros: narrativa castelá, narrativa galega, poesía, teatro… Dentro de cada sobre atoparon o nome do autor/a e o título dun dos seus libros agochado en emoticons que tiñan que descifrar e atopar. Deste xeito, o alumnado coñeceu de forma lúdica, como buscar e atopar os libros de xeito autónomo na biblioteca.

Noraboa aos gañadores e as voluntarias pola excelente actividade!

EXPOSICIÓN

As voluntarias da biblioteca realizou unha exposición con libros na que a protagonista é unha biblioteca ou unha libraría.

1ª reunión club de lectura

Comeza un novo  curso e iso quere decir… Club de lectura 2024/2025!

Hoxe reunírinse os membos coa coordinadora para decidir os libros para este trimestre. Comezamos!

Club de lectura adultos- Un animal chamado néboa, Ledicia Costas

 Este curso, comeza o Club de lectura de adultos lendo a Ledicia costas e a súa novela: Un animal chamado néboa.

DÍA DAS ESCRITORAS - 14 de outubro

 Polo día das escritoras, alumnos e alumnas do IES de Quiroga leron a algunhas das grandes artistas da historia. Desta forma, achegámonos a coñecer grandes obras e a descubrir un anaquillo máis destas mulleres como Emilia Pardo Bazán, Elvira Sastre ou Rosalía de Castro.

Carla Baldonedo le a Rosalía de Castro- Los Robles

Claudia Lemos le a Luz Fandiño, sin título

Noemí Martínez le a Gloria Fuertes, El río recién nacido

Mario Marcos le a Gabriela Mistral, Cosas

Ainara Rodríguez le a Cecilia Böhl de Faber- La gaviota

Lara Rodríguez le a Emilia Pardo Bazán, Los pazos de Ulloa

Que len os nosos profes?

As alumnas e  os alumnos voluntarios da biblioteca do IES de Quiroga entrevistan ao profesorado para coñecer cales son as súas escritoras favoritas e que libros delas nos recomendan!

EXPOSICIÓN

Exposición de obras seleccionadas polo voluntariado da biblioteca: "A periferia da periferia: mulleres que miran ao mundo rural"