O 21 de abril Leticia Vila da asociación FEGADACE, impartíu uhna charla de sensibilización e prevención
do dano cerebral adquirido e os accidentes de tráfico, co título “O
importante é chegar ben" ao alumnado de 4ºESO e 1º e 2º de bacharelato.
O
obxectivo de FEGADACE é a sensibilización e concienciación
social sobre as causas, consecuencias, factores de risco, dimensión social e
todo o relacionado co dano cerebral (DCA), primeira causa de discapacidade
adquirida en poboación adulta no noso país.
Entre outros ámbitos, a asociación traballa na prevención, mediante a formación, a
información, sensibilización e divulgación con diferentes colectivos e grupos
poboacionais, desenvolvendo accións como campañas, sesións informativas,
exposicións, proxeccións de materiais audiovisuais, formacións continuas,
etc. para estender o coñecemento social de todo o relacionado co DCA así
como das implicacións (sanitarias, sociais, económicas, etc.) que este conleva
para a persoa con dano cerebral, a súa familia e tamén a súa contorna.
Ningún comentario:
Publicar un comentario